Dana 12. drugog va našoj školi su već tradicionalno bili Dondolaši. Sako leto dojde Fućak Frenki, a sad je bil šnjin i Alen Haramija. Pokazali su nan svoju dondolašku masku i govorili o običaju dondolanja na Grobniku. Susretu su prisustvovali učenici od prvog do četrtog razreda, bili su puni pitanja, a najveći užitak njin je bil stavjanje krabuj na glave. Dondolaši će nan doć va školu već ov utorak, na Mesopust. Cela dvorana će odzvanjat od njihova zvonjenja.